Un grupo de mozos italianos con autismo percorre o Camiño de Santiago
É a cuarta edición de Camminautismo, unha experiencia moi positiva para os participantes, que peregrinan acompañados de científicos, monitores e axentes da Garda Civil e dos Carabinieri
Levan percorridos varios quilómetros, subindo pendentes e superando obstáculos, pero o ánimo está intacto. Esta experiencia, percorrer o Camiño de Santiago, ten moitos beneficios para os participantes en Camminautismo, quince mozos con autismo procedentes de Italia.
"Melloran na habilidade, nos deberes cotiás, na autonomía, nas relacións interpersoais, na socialización, no aspecto emocional.
Unha meta simbólica dá a posibilidade de construír un modelo de vida, cando cheguen a Santiago poden superar calquera dificultade", conta Grazziano Lomagistro, responsable do proxecto Camminautismo.
Iso é o que salientan os responsables do proxecto e o que confirman os mozos que participan na iniciativa.
Neste proxecto, van acompañados de voluntarios, científicos, monitores e axentes da Garda Civil e dos Carabinieri. Todos xuntos viven a experiencia e compártena con outros cidadáns.
En cada etapa deste camiño, enfróntase a retos, superan atrancos e celebran xuntos todas as vitorias.
