Un emigrante galego colabora coa maquinaria da súa empresa na retirada dos cascallos

Emilio Sande emigrou dende Mazaricos a Caracas en 1978, onde a día de hoxe é propietario dunha empresa de maquinaria para a construcción. Tanto él como a súa familia non sufriron as graves consecuencias dos terremotos e deseguida se puxeron a traballar para por toda a maquinaria da que dispoñen a disposición dos equipos de rescate.

"Achegueime ata onde caeron os edificios e ofrecinme voluntario, coas máquinas e os camións para colaborar." Explica Emilio Sande

Están a traballar para despexar os cascallos dunha zona de Caracas en que se derrubaron por completo dous edificios de quince pisos. Un traballo moi duro en que están a recuperar moitos cadáveres, pero que tamén lles aportou momentos moi reconfortantes.

"Levábamos case todo o día excabando, movendo e parando, porque se sabía que estaba vivo, que había unha persoa viva alí, que falaba e que decía que estaba ali. E clao, por suposto que é emocionante."

Emilio tamén está a enviar maquinaria para colaborar coas tarefas de rescate en La Guaira, a zona máis debastada polos terremotos. Tanto alí como en Caracas, asegura que vai a seguir prestando axuda ata que xa non queden cascallos por retirar. O de Emilio é só un exemplo dos milleiros de voluntarios de dentro e fora do país que se estan a volcar cos afectados pola traxedia.