Un criomicroscopio electrónico ibérico para combater o alzhéimer e o cancro

Analizar as estruturas ata o nivel atómico pode axudar a estudar enfermidades como o alzhéimer ou o cancro, así como a desenvolver novas terapias, unha investigación que é posible grazas a criomicroscopios electrónicos como o que alberga o Laboratorio Ibérico Internacional de Nanotecnoloxía (INL) de Braga.

A criomicroscopía electrónica é unha técnica de vangarda clave para a investigación en bioloxía estrutural e saúde, que permite observar as células e os seus compoñentes cun nivel de detalle sen precedentes.

Nesta liña, a tecnoloxía que utiliza é útil para unha gran variedade de aplicacións, como "obter a estrutura tridimensional de biomoléculas e virus como o SARS-CoV-2", de forma que "se poden elaborar estratexias para destruílo ou combatelo".

"Isto abre unha grande oportunidade para estudar moitas terapias e tamén enfermidades, por exemplo, o alzhéimer e o párkinson ou o cancro, así como o desenvolvemento de novos medicamentos", razón esta última pola que entre os usuarios non só se atopan as institucións académicas, senón tamén as empresas relacionadas co desenvolvemento de fármacos.

Ademais, "necesítanse servidores cunha velocidade e un almacenamento moi elevados", explica, xa que a máquina obtén miles de imaxes por segundo e en poucos minutos xera "unha gran cantidade de terabytes de datos".

"As universidades de Galicia e do norte de España en xeral, e algunhas empresas españolas tamén están interesadas en usar o instrumento", asegura, aínda que "a idea é que a máquina estea realmente aberta a calquera que queira usala".