Descobren unha nova estratexia médica para eliminar o colesterol das células vasculares
Un estudo liderado en Barcelona logra reverter a acumulación de lípidos e frear a ateroesclerose
A combinación de dous fármacos permite expulsar o colesterol das células afectadas
Científicos do Instituto de Investigación Sant Pau de Barcelona responsables do estudo
O Instituto de Investigación Sant Pau de Barcelona liderou un estudo que abre unha nova vía para eliminar o colesterol das células vasculares e frear así a ateroesclerose, enfermidade que endurece os vasos sanguíneos.
Segundo explicou o centro, a investigación demostra que activar de forma farmacolóxica o receptor hepático X permite que as células musculares lisas vasculares recuperen a capacidade de liberar colesterol, unha función que se perde durante o proceso aterosclerótico.
O fármaco experimental utilizado para activar este receptor conseguiu aumentar de maneira significativa o transporte de colesterol ata as feces.
Ademais, este proceso viuse reforzado cun segundo medicamento que inhibe a encima ACAT, responsable de converter o colesterol libre en esterificado para o seu almacenamento nas células.
Segundo os investigadores, esta combinación podería representar unha nova estratexia terapéutica sinérxica para frear o avance da aterosclerose. Porén, advirten de que será necesario desenvolver vehículos que permitan dirixir estes tratamentos de forma específica ás células espumosas.
