Un condutor de autobús dá positivo en drogas cando ía buscar un grupo de 60 menores para ir de excursión

A Policía Local de Redondela interceptou este luns un condutor de autobús que deu positivo en drogas cando se dirixía buscar un grupo de 60 menores para ir de excursión a Asturias.

Os feitos ocorreron na mañá deste luns na zona de Chapela, en Redondela. Alí, os axentes deron o alto ao home, comprobando a súa documentación primeiro para posteriormente realizarlle probas de alcol e outras drogas, dando positivo esta última. Por iso, foi proposto para sanción á espera da súa confirmación no laboratorio.

Ante esta situación, os funcionarios notificaron o ocorrido á empresa responsable e inmobilizaron o vehículo ata que se enviou outro condutor substituto, que tamén foi sometido ás probas pertinentes, dando negativo e facéndose cargo do desprazamento dos menores.