Premian alumnos de Ourense que vestidos de superheroes achegan ideas para salvar o planeta
Os estudantes levan o segundo premio estatal dun programa educativo sobre medio ambiente
O alumnado do colexio Santa Teresa de Jesús Vedruna recibiu hoxe o diploma e unhas experiencias científicas
Pequenos xestos que aprenderon na escola e nas casas dende cativos e que agora transmiten ao resto neste vídeo. Por este proxecto en que expoñen as súas ideas para salvar o planeta acaban de recibir o segundo premio nacional dun programa educativo de Endesa sobre medio ambiente.
Ademais dunha dotación económica para a mellora da sostibilidade e a eficiencia enerxética no colexio, o premio inclúe para eles, os protagonistas, unhas experiencias científicas moi interesantes. Unha xornada moi distinta a que teñen hoxe, fóra das aulas, pero igualmente educativa.
Aprender entre todos a coidar o planeta é asegurar un futuro para as vindeiras xeracións.
