Un bebé permanece ingresado nun hospital de Asturias por posible inxesta de cocaína

Un bebé duns dous anos permanece ingresado no Hospital de Arriondas, Asturias, por unha posible inxesta de cocaína.

O centro hospitalario deu o aviso o mércores, despois de que o pai se presentase co pequeno e solicitase que se lle fixese unha proba de toxicoloxía. A primeira proba de aproximación deu positivo en cocaína e agora espérase o resultado doutra máis precisa, cuxos resultados probablemente se coñezan este venres.

A Garda Civil abriu unha investigación á espera de coñecer os resultados definitivos e, no seu caso, pescudar a orixe da inxesta. Mentras, unha traballadora social está ao cargo do bebé.