Un autobús atropela catro persoas na contorna dunha discoteca en Pontecesures

Un autobús atropelou catro persoas na contorna dunha discoteca de Pontecesures pasadas as 6:30 horas deste sábado. Segundo informa o 112, o condutor estaba manobrando.

As vítimas, que agardaban para subir ao vehículo, sufriron contusións e foron trasladadas en ambulancia ao complexo hospitalario universitario de Santiago.

No operativo participaron axentes da Garda Civil de Tráfico, persoal sanitario do 061 e membros do Grupo de Emerxencias Supramunicipal de Padrón.