Un home de 37 anos morre nun accidente de quad no concello de Sarreaus

O condutor dun quad que circulaba pola estrada de Freande, no concello de Sarreaus, faleceu onte á noite ao saíren da vía pola marxe dereita e bater contra o poste dun peche.

O persoal médico do 061 que se trasladou ao lugar do accidente só puido certificar a morte do home, de 37 anos. Unha muller da mesma idade que viaxaba de acompañante tivo que ser trasladada en estado crítico ao hospital de Ourense.

Segundo informa o 112, no operativo tamén participaron axentes da Garda Civil de Tráfico, membros do GES de Laza e voluntariado do AVPC de Sarreaus.