Unha persoa morre e outra queda ferida ao envorcar un quad en Sarreaus
O accidente ocorreu pouco antes das 23:00 horas na estrada de Freande, preto da piscina
O quad accidentado nunha imaxe da Garda Civil
O condutor dun quad que circulaba pola estrada de Freande, no concello de Sarreaus, faleceu onte á noite ao envorcar o vehículo preto da zona da piscina, pouco antes das 23:00 horas.
O persoal médico do 061 que se trasladou ao lugar do accidente só puido certificar a súa morte. Outra persoa que viaxaba de acompañante quedou ferida e tivo que ser trasladada en ambulancia ao hospital de Ourense.
Segundo informa o 112, no operativo tamén participaron axentes da Garda Civil de Tráfico, membros do GES de Laza e voluntariado do AVPC de Sarreaus.
🔴 #AXEGAInforma dun accidente de quad en Sarreaus no que faleceu o condutor e a outra ocupante resultou ferida.
— 112 Galicia (@112Galicia) September 13, 2025
📍 Estrada de Freande.
➡️ O #112Galicia tivo constancia dos feitos minutos antes das 23 horas do venres, e a persoa ferida foi evacuada ao Hospital de Ourense.
(1/2) pic.twitter.com/Y7ZHU6kvoh
Outra imaxe do accidente. FOTO: Garda Civil
.png)
