Detidos en Galicia, Tenerife e A Gomera por un alixo de 1.600 quilos de cocaína
Na operación Silbo hai preto de 30 investigados
Preto de trinta persoas figuran como investigados nunha operación contra o narcotráfico e o branqueo de capitais que se desenvolve desde o mércores en Santa Cruz de Tenerife.
Os arrestos producíronse non só na capital tinerfeña, senón tamén na Gomera e en Galicia.
Fontes da investigación sinalan ademais que tamén hai implicados noutros lugares da Península.
Entre as persoas detidas hai un empresario hostaleiro, un avogado e un asesor fiscal.
A denominada operación Silbo iniciouse a primeiras horas do mércores cunha gran despregadura policial, helicóptero incluído.
Os axentes da Garda Civil e de Aduanas da Axencia Tributaria rexistraron diversos inmobles na illa.
Espérase que as declaracións dos imputados no Xulgado número 3 capital tinerfeña se prolonguen ata a madrugada.
A operación está relacionada co transporte de 1.600 quilos de cocaína procedentes de México. Foi a DEA a que detectou no verán do 2024 a embarcación que a trasladaba cara ás Canarias. O barco foi interceptado en mar aberto antes de transvasar a mercadoría a embarcacións máis pequenas.
