Un autobús choca contra unha gardería canadense e mata dous nenos
Outros seis cativos resultaron feridos
A policía investiga se o choque foi intencionado
A policía canadense anunciou este mércores que polo menos dous nenos morreron e outros seis resultaron feridos despois de que un autobús chocara contra unha gardería na localidade canadense de Laval, nas proximidades de Montreal.
O condutor do autobús, de 51 anos, foi arrestado e acusado de homicidio.
O autobús era un vehículo de transporte municipal e non escolar, como se dixo nun primeiro momento. Todas as vítimas estaban na gardería no momento do incidente.
As autoridades non indicaron as causas do incidente, pero o alcalde de Laval, Stéphane Boyer, declarou que se está investigando a teoría de que o vehículo se estrelou contra a gardería "de forma intencionada".
Varias testemuñas aseguraron que o condutor non tentou evitar a gardería, e que despois do impacto saíu do vehículo completamente espido.
Á gardería sinistrada asisten uns 80 nenos.
Algúns dos pais que estaban a deixar a esa hora os seus fillos retiveron o condutor pola forza.
