Un adulto e un neno, feridos tras sufrir un accidente en quad en Coristanco

Un adulto quedou ferido de consideración tras sufrir en Coristanco un accidente cun cuatriciclo en que se viu implicado tamén un menor cuxo estado de saúde non parecía revestir gravidade.

Segundo o 112 Galicia, o accidente produciuse no lugar de Outeiro, parroquia de Agualada, en Coristanco.

Cara ás 19:30 horas, un particular contactou con ese teléfono para informar do accidente.

Un helicóptero medicalizado con base en Santiago de Compostela trasladou o ferido adulto, mentres que o menor foi evacuado nunha ambulancia.