A calor dispara o risco de intoxicacións alimentarias

Erguerse cedo, cociñar e levar a comida á praia son opcións moi apetecibles e recorrentes durante o verán. Rebozados, boliños de bacallau...

Un menú en que tanto os empanados como os boliños de bacallau levan ovo. Estes alimentos mal conservados nun día de calor poden provocar unha intoxicación alimentaria.

Corina Goiri, adxunta de urxencias de Ribera Povisa, advirte de que "hai que metelo en neveiras con frío para evitar que proliferen co aumento da calor". 

Os alimentos crus e mal cociñados tamén son especialmente sensibles á calor.  E non só debemos ter especial coidado cos alimentos para evitar os principais síntomas destas doenzas no verán que son a diarrea e os vómitos.

As altas temperaturas están a provocar moitos casos de salmonela, como o acontecido en Navarra con seis persoas ingresadas cunha gastroenterite aguda. En calquera caso, resaltan que os alimentos contaminados non teñen por que presentar alteracións evidentes no aspecto, na cor ou no olor.