Tres persoas feridas nun choque frontal entre dous coches en Salvaterra

Tres persoas quedaron feridas, dúas de gravidade, nun choque frontal entre dous coches en Salvaterra de Miño. O accidente ocorreu este sábado ás 19:20 horas no quilómetro 11 da PO-510, ao seu paso pola parroquia de Cabreira.

Pola forza do impacto, un dos turismo saíu despedido por riba do valo de seguridade e rematou nun camiño paralelo á estrada que une Salceda con Salvaterra.

Os bombeiros tiveron que liberar unha persoa que quedara atrapada dentro do vehículo. Despois, foi trasladada, xunto ao resto de ocupantes, ao hospital de referencia. 

No operativo tamén participaron axentes da Garda Civil de Tráfico.