Tres parapléxicos volven andar grazas a un implante electrónico na medula espiñal
A técnica, desenvolvida por un equipo de neurocientíficos en Suíza, está aínda en fase experimental
As súas lesións estaban cualificadas como irreversibles, pero recuperaron a mobilidade nas pernas e no tronco
En Suíza, tres persoas parapléxicas conseguiron volver andar grazas a un implante electrónico na medula espiñal.
As tres quedaran tetrapléxicas en accidentes de moto e perderan toda a capacidade de movemento nas pernas e no tronco.
Os médicos implantáronlles 16 electrodos en diferentes puntos da medula espiñal, conectados a un ordenador cun sistema de intelixencia artificial que reproducía os impulsos necesarios para camiñar, montar en bicicleta ou remar en piragua.
Unha intervención de extrema precisión, coordinada por un equipo de neurocientíficos, deu un resultado satisfactorio.
Os tres pacientes conseguiron poñerse de pé inmediatsmente despois da operación e, tras meses de adestramento, reproducir o resto de movementos.
O tratamento realizouse en Suíza con nove enfermos. De momento está en fase experimental, pero os promotores agardan comezar os ensaios clínicos en 2023.
Calculan que lles levarán uns catro anos de traballo. Pero auguran que se abre un camiño histórico para tratar lesións que ata agora son irreversibles.
