Publicador de contidos

Publicador de contidos

Primeira misión tripulada privada á Estación Espacial Internacional

Primeira misión tripulada privada á Estación Espacial Internacional

O comandante é o astronauta Miguel López-Alegría, nado en España

Os tres tripulantes pagaron 50 millóns de euros pola viaxe de dez días 

G24.gal 08/04/2022 18:01

A primeira misión espacial tripulada por astronautas privados engalou con éxito este venres desde o Centro Espacial Kennedy da NASA na Florida para permanecer 10 días no espazo, 8 deles na Estación Espacial Internacional.

A misión saíu á hora prevista desde Cabo Cañaveral, as 5 da tarde hora galega, a bordo dunha cápsula Dragon colocada sobre un foguete Falcon 9, ambas da compañía privada SpaceX de Elon Musk.

cargo está o exastronauta da NASA, Miguel López-Alegría, nado en España e con nacionalidade estadounidense. Tras a xubilación da axencia espacial, é vicepresidente de Desenvolvemento de Negocio dunha das empresas pioneiras en facer máis accesible o espazo.

Ademáis de López-Alegría, viaxan outros tres civís: o estadounidense Larry Connor como piloto, o canadense Mark Pathy e o israelita Eytan Stibbe, como especialistas. Os tres son millonarios e pagaron arredor dos 50 millóns de euros por participar na misión. SpaceX di ben claro que non son turistas senón que recibiron unha  formación intensiva como astronautas e van realizar 25 experimentos de investigacióne e outras tarefas con fins educativos.

Na Estación Espacial Internacional agárdanos outros sete tripulantes.

A primeira misión da compañía privada aeroespacial Axiom é para levarlle compoñentes á Estación Espacial Internacional, pero, máis adiante, agardan fabricar unha propia con acceso a cidadáns, países e empresas privadas, e conseguir deste xeito un novo modelo de negocio no espazo.

Están previstos xa tres lanzamentos máis con astronautas privados nos vindeiros dous anos.

 

Publicidade
Publicidade
Publicidade
Pódeche interesar

Publicador de contidos