Tres mortos nun choque frontal entre dous coches en Arcos de la Frontera (Cádiz)
O accidente produciuse minutos antes das cinco da mañá
En cada vehículo viaxaban dúas persoas. Tres delas, dous homes e unha muller, faleceron, mentres que unha cuarta quedou ferida grave
(EFE/Román Ríos)
Tres persoas morreron e unha feriuse de gravidade este martes nun accidente de tráfico rexistrado ao chocaren frontalmente dous vehículos nunha estrada de Arcos de la Frontera (Cádiz), segundo informaron fontes municipais e da Garda Civil.
O accidente produciuse minutos antes das cinco da mañá no quilómetro 1 da estrada A-384 que une Arcos de la Frontera con Antequera (Málaga), cando un turismo e unha furgoneta chocaron.
En cada vehículo viaxaban dúas persoas. Tres delas, dous homes e unha muller, faleceron, mentres que unha cuarta saíu ferida grave.
Ao lugar trasladáronse efectivos da Garda Civil, de Emerxencias e dos bombeiros, xa que algunhas das vítimas quedaron atrapadas nos vehículos.
