Tres detidos por agredir un camareiro nun bar da praza Roxa en Santiago

Os feitos producíronse ás oito e media da tarde, coas terrazas da praza Roxa ateigadas. Segundo relata o dono do local, tres homes intentaron marchar sen aboar o consumido. Presuntamente, cando o camareiro lles chamou a atención, estes comezaron a perseguilo ata o interior do bar, onde lle lanzaron botellas e tallos. 

Un dos individuos amosou unha navalla, pero finalmente non houbo navalladas. Así e todo, dúas persoas resultaron feridas leves por contusións e foron atendidas por unha ambulancia que se desprazou á zona. A policía arrestou os tres individuos nun portal veciño ao bar, na rúa Frei Rosendo Salvado. 

Está previsto que os detidos pasen a disposición xudicial nas próximas horas. Segundo fontes da investigación, trátase de tres coñecidos delincuentes da comarca. Ademais da agresión, o dono do local informou de danos materiais por valor duns 600 euros. Segundo apunta, todo quedou rexistrado nas cámaras de videovixilancia do establecemento.