Tres detidos e desarticulados outros tantos puntos de venda de droga na Coruña
Nos rexistros foron comisadas pequenas cantidades das substancias útiles para a súa distribución e pesada e máis de 4.000 euros
Policía Nacional
A Policía Nacional dá por desarticulados tres puntos de venda de droga na cidade da Coruña, tras un operativo policial na xornada do mércores e que rematou con tres detidos, segundo informa a Xefatura Superior de Policía de Galicia.
As investigacións realizadas durante meses por parte do Grupo de Estupefacientes da UDYCO da Coruña permitiron dar coa actividade ilícita que viñan realizando desde facía algún tempo tres homes, "os cales conformaban un grupo criminal dedicado ao tráfico de estupefacientes na cidade", indica.
Os autores utilizaban para iso tres domicilios, sitos nas rúas Alcalde Lens e Biscaia na Coruña, e na veciña localidade de Meicende. Distribuían desde os mesmos substancias estupefacientes "polo miúdo", concretamente haxix, cocaína e heroína, en pequenas cantidades destinadas a consumo.
En base aos indicios solicitados, durante a mañá do día de onte, foron realizados tres rexistros de forma case simultánea nos tres domicilios referidos, e detidos os seus tres moradores.
Neste operativo conxunto, participaron tamén a Unidade Especial de Guías caninos, Unidade Especial de Subsolo e a Unidade de Prevención e Reacción. Nos rexistros foron incautadas pequenas cantidades das substancias referidas, útiles para a súa distribución e pesada e máis de 4.000 euros.
No da rúa Biscaia, o xa detido, ao decatarse da presenza policial, tentou desfacerse das substancias que lle incriminaban lanzándoas polo retrete, sendo recuperadas parte das mesmas.
Os tres homes arrestados pasaron este xoves á disposición xudicial.
