Trece feridos leves tras caer un falso teito do auditorio do Parque de Atraccións de Madrid
O recinto pechou ao público e a policía municipal investiga as razóns da caída do teito da sala
Un accidente no Parque de Atraccións de Madrid causou trece feridos leves, aínda que oito deles tiveron que ser trasladados ao hospital como consecuencia da caída parcial do teito do auditorio, onde se celebraba un acto privado sobre educación.
Os Bombeiros de Madrid revisaron a instalación e aseguraron a zona para evitar máis desprendementos, mentres a Policía Municipal encárgase da investigación. Descoñécense as causas polas que o teito de pladur colapsou. Os feridos son todos adultos. O parque pechou ás portas ao público esta tarde
No auditorio que ten capacidade para máis de 1.800 persoas celebrábase un congreso educativo, a asemblea dos Colexios Gredos San Diego. Dos trece feridos, o Samur trasladou oito persoas á Fundación Jiménez Díaz con policontusións leves e ataques de ansiedade.
O xefe de garda de Samur-Protección Civil explicaba no lugar que acudiron ao lugar ante " un derrube parcial do auditorio do recinto" atendendo 13 persoas.
"Das que oito precisaron traslado hospitalario. En principio son pacientes leves" indicaba o sanitario
Se ha producido el derrumbe parcial del falso techo del auditorio del Parque de Atracciones donde se celebraba un evento privado. @SAMUR_PC y #SUMMA112 han atendido a 13 heridos, todos ellos leves, de los cuales 8 han sido trasladados a hospital. @BomberosMad revisa la estructura pic.twitter.com/OUfyiMEcOh
— Emergencias Madrid (@EmergenciasMad) February 19, 2022
