Trasladan unha condutora tras saír da vía e dar varias voltas de campá en Coirós
Era a condutora e única ocupante do vehículo
Tras perder o control, levou varios sinais de tráfico por diante e deu varias voltas de campá antes de envorcar
Unha muller de mediana idade foi trasladada polos servizos sanitarios tras saír da vía co seu coche. Era a condutora e única ocupante do vehículo. Tras perder o control, levou por diante varios sinas de tráfico e deu varias voltas de campá antes de envorcar.
Tal e como trasladou o 112 Galicia, o suceso tivo lugar ás 14.30 horas deste domingo, no quilómetro 579 da N6, en Colantres, no municipio de Coirós (A Coruña).
Imaxe cedida polos Bombeiros de Betanzos
Ata o punto desprazáronse membros de Urxencias Sanitarias de Galicia 061, os bombeiros de Betanzos, a Garda Civil e do Servizo de Mantemento de estradas.
Non foi necesario excarcerar a muller.
Imaxe cedida polos Bombeiros de Betanzos
