Unha colisión con tres coches implicados provoca dous feridos en Catoira

Dúas persoas foron evacuadas ao Hospital do Salnés tras rexistrarse unha colisión frontal no quilómetro 11 da PO-548, na parroquia de Abalo, en Catoira.

Ocorreu contra as 0:45 horas, e o 112 Galicia tivo constancia a través de varios particulares, que explicaron que había tres coches implicados no accidente.

No operativo colaboraron Urxencias Sanitarias de Galicia-061, a Garda Civil de Tráfico, os Bombeiros do Salnés, o GES de Padrón, os voluntarios de Protección Civil de Catoira e Valga e os servizos de mantemento da estrada.