Publicador de contidos

Publicador de contidos

Tras un tempo de proba, os multamóbiles de Santiago están xa operativos

Tras un tempo de proba, os multamóbiles de Santiago están xa operativos

Os dous vehículos de control de estacionamento súmanse á vixilancia a pé

Especial vixilancia das zonas verdes para residentes

Vehículo de control de estacionamento
G24.gal 25/11/2021 14:29

Rematou o período de proba dos vehículos que adquiriu o Concello de Santiago para controlar o estacionamento. Fixéronse ver, sobre todo, polas 14 zonas de residentes que ten a cidade, cun dobre obxectivo.

 "É un sistema novo que temos que poñer a punto e evidentemente durante todo este período facer pedagoxía xa na rúa para que a xente empece a evitar os malos hábitos de estacionar en zonas de residentes", explica Jose Ramón Mosquera, director xerente de Tussa.

Cada vehículo le unha media de entre 4 e 5.000 matrículas diarias, de día e tamén de noite, pero non todas se traducen nunha infracción. Polo momento o multamóbil parece ser bastante disuasivo.

"Notamos que a xente xa se empezou a concienciar un pouco", apunta María Raña, controladora do servizo ORA.

Dende hoxe é importante ter as tarxetas de residentes en vigor para evitar unha multa de 60 euros, 30 se se fai por pronto pago. Van estar vixiantes nas zonas verdes, pero tamén nas prazas de estacionamento expreso e nas de carga e descarga.

Publicidade
Publicidade
Publicidade
Publicidade