Transportes adxudica a renovación e ampliación do ramal ferroviario ao porto interior de Ferrol
O contrato para modernizar a vía ata a estación de tren alcanza os 23 millóns de euros
Acceso do ferrocarril ao porto exterior de Ferrol/ Foto de arquivo/ Autoridade Portuaria Ferrol- San Cibrao
O Ministerio de Transportes e Mobilidade Sostible adxudicou por 23 millóns de euros, a través de Adif, un contrato para os traballos de renovación e ampliación da capacidade da conexión ferroviaria co porto interior de Ferrol.
Con esta actuación busca impulsar a multimodalidad e o transporte ferroviario de mercadorías.
O investimento destinarase a renovar a vía de 1,8 quilómetros que une a estación de Ferrol e o porto interior da cidade, mediante a substitución de todos os elementos que compoñen a vía (balasto, travesas e carril) por outros novos de maiores prestacións.
O contrato inclúe a montaxe dun terceiro carril que converterá a liña na primeira da rede ferroviaria que se dota de terceiro fío para posibilitar a circulación de trens tanto de ancho convencional como de ancho métrico.
"Desta forma, o ramal ferroviario ao porto aumenta a súa capacidade e versatilidade, permitindo a saída e entrada ao porto dos trens que circulan tanto pola liña de ancho métrico Ferrol-Ortiguera, como a convencional que une Ferrol con Betanzos", sinala o Ministerio.
