Intercambio de acusacións entre PSOE e PP polos casos de corrupción

Os investigadores do caso Montoro cren que seguiu sendo socio da súa consultora cando xa era ministro. Os mossos d'Esquadra sinalan que hai anomalías na transmisión da titularidade do despacho e que Montoro era socio de feito despois de que Mariano Rajoy o nomeara ministro de Facenda.

A investigación tamén revela que Montoro nomeou entre os seus altos cargos persoas vencelladas a Equipo Económico. Os mossos atribúen a Montoro un "rol nuclear" na organización pola súa capacidade dende o Goberno de influír xa xestión lexislativa.

A corrupción foi esta mañá un tema recorrente nas comparecencias dos distintos partidos. Félix Bolaños sinalou que o caso Montoro, se se confirma, "é gravísimo". Dende o PP, Ester Muñoz ve o Goberno moi nervioso.

O Goberno pide que deixen traballar a Xustiza ante a investigación do caso Montoro.

"De se confirmaren", dixo Félix Bolaños, "son feitos gravísimos".

Unha gravidade que comparten en Sumar e que din que van traballar para "acabar coa corrupción, veña de onde veña", asegurou Ernest Urtasun.

O Partido Popular di que "se investigue, que se chegue ata o final e si alguén cometeu un delito que sexa condenado". Pero os populares tamén ven ao Goberno moi nervioso e preocupado polas informacións que falan da presión por parte de mandos da Garda Civil aos axentes da UCO.