The Times recomenda o Hostal dos Reis Católicos por ubicación, arquitectura e historia
Os británicos son boa parte da clientela do hotel de cinco estrelas
O parador leva todo o verán roldando o cento por cento de ocupación
O edificio plateresco construído polos Reis Católicos entre 1501 e 1511 é un dos hoteis máis cobizados do mundo con numerosos premios. Os xornalistas de turismo elixírono este ano mellor hotel de España e National Geographic o mellor hotel con historia.
Agora, o artigo publicado hai uns días en The Times destaca o Hostal como base para coñecer o norte da península o que é positivo non só para o parador senón tamén para a cidade de Santiago e para o norte de España, comenta Santiago Carrera, director do Hostal dos Reis Católicos
Seguramente o artigo algo influirá para que a partir de agora, os británicos veñan ao norte de España, a Galicia e ao Hostal.
Noutras ocasións xa notaron que artigos deste tipo ou mesmo películas atraen clientela.
Películas como The Way nos Estados Unidos ou o ano pasado unha película en Italia, e este ano creo que son os segundos ou terceiros estranxeiros en volume os italianos.
Por ubicación, historia ou arquitectura, malia a información previa, o lugar sempre supera as expectativas do visitante.
Esto é unha xoia arquitectónica, BIC, e durmir nun edificio que ten 500 anos de historia é como durmir nun museo, entón eso é o valor engadido que lle dá a xente que vén aquí.
Británicos e franceses son xunto aos estadounidenses os principais clientes estranxeiros do Hostal dos Reis Catñolicos que leva todo o verán roldando o cen por cento de ocupación.
