Detido tras deixar varios feridos ao atacar cunha espada nunha escola en Suecia

Varias persoas resultaron feridas este venres tras seren atacadas cunha espada nun instituto de secundaria de Fagersta, no centro de Suecia, segundo informaron as autoridades municipais. 

A Policía desprazouse ao centro onde detivo un home sospeitoso do ataque. Segundo a radio pública sueca, o individuo recibiu disparos dos axentes durante a detención, aínda que polo momento se descoñece o seu estado. 

Decenas de policías permanecen na zona, que foi acordoada, mentres se desprazaron varias ambulancias. As autoridades aseguran que a situación está controlada e que xa non existe perigo para a cidadanía. 

O instituto Brinell conta con arredor de 500 alumnos, segundo a televisión pública SVT. O suceso prodúcese despois do tiroteo nun centro educativo de Örebro en febreiro do ano pasado, no que morreron des perosas, incluído o atacante.