Tests de saliva nas farmacias para cribar os colexios con máis casos de covid en Ourense

O incremento de casos nos centros educativos de Ourense levou o Sergas a ofrecer a posibilidade de facer un cribado a través de test de saliva nas farmacias.

A iniciativa está dirixida, polo de agora, aos catro centros que contan con máis contaxios: Salesianos e Maristas en Ourense, Filomena Dato en Barbadás e Padre Feijoo en Allariz.

O cribado está aberto a preto de 1.800 alumnos. As mostras recóllense na farmacia, coa tarxeta sanitaria do menor, e entregase tamén alí.

A data límite é este xoves. Os resultados tardarán entre 24 e 72 horas.