Temperaturas propias do verán nas Rías Baixas

Continúa nas Rías Baixas o verán de San Miguel. E con estas temperaturas e se o traballo o permite a praia, os paseos e almorzos ao carón do mar ou o deporte ao aire libre son para moitos a mellor opción.   

Aproveitan esta prolongación do verán os da casa e moito máis os que nos visitan ou os que fan o Camiño.  

Porén estas temperaturas máis propias do verán e a escaseza de chuvia tamén preocupa. Pois polo de agora o sol quedará con nós. Baixarán un pouquiño as temperaturas pero as previsións falan de xornadas solleiras para os próximos días.