Tantos días de chuvia seguida pode afectar ao estado anímico

Marzo foi en Galicia un mes máis chuvioso do normal para a época do ano en que estamos. Abril comezou chovendo, segue chovendo e, segundo Meteogalicia, pode que se repita esta mesma situación prolongada no tempo.

Unha situación que, segundo afirman os expertos está afectando no ánimo. A psicóloga Libertad Culebras di "que non nos afecta a todos por igual e que depende do nivel social e económico de cada persoa".

Tamén conta que "cómpre desviar a atención da negatividade que transmite o mal tempo e a auga. Como? pois facendo cousas e actividades positivas e da vida persoal que nos fagan sentir ben".