Sufocado un incendio nun local do paseo da praia de Silgar de Sanxenxo

 Os servizos de emerxencia tiveron que intervir na tarde deste mércores para sufocar un incendio rexistrado nun local situado no paseo da praia de Silgar, na localidade pontevedresa de Sanxenxo.

Segundo fontes do 112 Galicia, tratouse dun incendio de orixe eléctrica que afectou aos cables situados no teito da entrada do establecemento.

Aínda que nun primeiro momento se pensou que o lume podería afectar ao edificio e que había persoas no seu interior, finalmente non houbo que lamentar danos persoais.