Señé: "Nós pouco podemos facer. Se Carlos Vicente marcha, desexarlle sorte"

En apenas unha semana, o Rácing vai disputar os dous partidos que lle restan para pechar a primeira volta. O Rácing quere alcanzar o ecuador da liga entre os seis primeiros clasificados.

Ninguén en Ferrol dubida de que, amarrada a permanencia, o equipo pode e debe soñar con disputar o play-off de ascenso.

Con todo, será máis complicado sen Carlos Vicente. No equipo empezan a asumir a súa marcha.

Señé: "É un home importante, pero se marcha intentarán traer outro que o faga igual de ben".

"Nós pouco podemos facer. Se marcha, desexarlle sorte".

O domingo reciben o Tenerife e o xoves seguinte xogan en Valladolid. Dous partidos para confirmar a gran temporada do Rácing.