César Fernández convértese no primeiro gardameta fichado polo Rácing

O Rácing de Ferrol anunciou a incorporación do gardameta de 21 anos, César Fernández. Chega procedente do Celta Fortuna onde disputou 9 partidos nas últimas tempadas en 1ªRFEF e entrou nalgunha convocatoria do primeiro equipo do Celta de Vigo. César Fernández convértese así na primeira fichaxe do Rácing na portería para a vindeira tempada.

César foi internacional en categorías inferiores coa Selección española tendo as súas participación máis destacadas coa sub-19, coa que disputou 5 partidos de clasificación ao Europeo U19 e un partido dos Xogos do Mediterráneo.