Señé fai autocrítica tras os dous primeiros partidos do Lugo

Josep Señé compareceu na mañá de hoxe ante os medios de comunicación, na semana de traballo previa ao duelo fronte ao C. D. Leganés. O catalán analizaba os dous primeiros choques disputados, poñendo o acento na necesaria mellora a levar a cabo en busca da primeira vitoria da tempada. Convencemento e compromiso como claves para lograr o obxectivo:

"O primeiro partido non foi bo, estivemos moito tempo en campo propio e lonxe do control do xogo. En Tenerife, melloramos moito na segunda metade. O equipo atreveuse, e ofreceu moitas cousas diferentes"

"Trataremos de evitar que o rival chegue tanto. Non é cuestión de adestrar máis, é cuestión de entender por onde chega o rival, e corrixir desaxustes"

"É un orgullo resultar elixido un dos capitáns, tratarei de axudar, mostrando exemplo aos compañeiros máis novos"