Santiago despide o mes de agosto cunha ocupación hoteleira de arredor do 75%
En agosto máis de 77 mil peregrinos selaron a compostelá
Son as maletas do último día de vacacións do mes agosto.
"Acabando as vacacións, si. Foron bastante produtivas"
E este é o camiño de volta á casa despois duns días de descanso en Galicia.
"De boa gana quedabamos máis tempo, pero hai que traballar"
Mentres uns regresan, outros acaban de comezar as súas vacacións.
"Viñemos o venres pola tarde. É unha cidade encantadora, moi amigable, e ten uns monumentos preciosos". "Aínda nos quedan uns días de vacacións. Agora imos ás Rías Altas, á Costa da Morte".
Santiago despide o mes cunha ocupación hoteleira de arredor do 75 por cento. Na Quintana, a ringleira para acceder á catedral dáballe a volta á praza.
"Levamos esperando uns 5 cinco minutos, vai lixeiro". "Nós levamos 10 minutos, vai bastante rápido"
Á espera dos datos de hoxe, no mes de agosto máis de 77 mil peregrinos selaron a súa compostela.
"Somos tres de México, do estado de Sonora, pegado a EEUU, no Golfo de California".
"Fago o Camiño cada ano. O ano pasado fixemos Sarria Santiago. E este desde Irún ata Oviedo."
No que vai de ano, máis de 370 mil peregrinos fixeron o Camiño, un 6 por cento máis ca en 2024.
