A CEMMA organiza embarques participativos para ver cetáceos

Tras os últimos avistamentos de baleas, delfíns e candorcas na costa galega, a Coordinadora para o Estudo dos Mamíferos Mariños realiza embarques participativos. Con saídas desde Fisterra e Cambados, bríndanlles a oportunidade aos participantes de observar de preto cetáceos e aves mariñas.

Un grupo de persoas acompaña os biológos da Coordinadora para o Estudo dos Mamíferos Mariños nunha saída ddesde o peirao de Cambados. Serán oito horas de navegación coa esperanza de que se repitan os avistamentos  dos últimos días nos que tiveron a carón do barco un grupo numeroso de delfíns.

"No noventa por cento das saídas vemos algo, o habitual é ver golfiño común e arroaces, sobre todo porque o arroaz vive dentro da ría, e o golfiño común en canto saímos da ría xa o vemos pero despois tamén podemos observar outras especies como poden ser baleas e incluso caldeiróns ou xa máis excepcionalmente as candorcas", asegura Alfredo López, biólogo da CEMMA

A unhas 5 millas ao oeste do cabo de Fisterra teñen  localizado unhas trinta baleas comúns que buscaban alimento

"Neste momento hai un gran afloramento de moita riqueza biolóxica e estámolas vendo máis nas saídas de Fisterra pero supoñemos que ao longo desta semana poderán verse na zona das Rías Baixas, na Mariña de Lugo, digamos que o seu percorrido vai permitir que se espallen ao longo da costa"

Cada ano, A CEMMA desenvolve estas campañas de embarques participativos entre maio a setembro.