Sanidade saca adiante o plan antitabaco co consenso das comunidades do PP
Sanidade saca adiante o plan antitabaco co consenso das comunidades do PP
Julio Comesaña celebrou que se recollan medidas como que o aumento da fiscalidade do tabaco redunde en medidas de prevención
O conselleiro de Sanidade tamén abriu a porta a que a autorregulación dos espazos sen fume poida debaterse no desenvolvemento lexislativo da norma
As claves do plan antitabaco, que haberá que materializar en leis, son estas
O Ministerio de Sanidade aprobou finalmente o Plan integral de prevención do tbaquismo 2024-2027 co aval de todas as comunidades, tamén as do PP, "moi satisfeitas" por este día importante para a loita contra o tabaco.
"Desde hoxe, este plan é unha realidade e este logro é un motivo de orgullo nacional", salientou a ministra de Sanidade, Mónica García, ao termo do Consello Interterritorial do Sistema Nacional de Saúde.
Un plan que, segundo dixo, "emana do traballo de todas as comunidades" e que finalmente toca materializar nunha serie de iniciativas lexislativas, entre elas as que regularán os novos espazos sen fume ou o empaquetado xenérico.
Nesta percepción coincidiu o conselleiro galego de Sanidade, Julio García Comesaña, quen celebrou que se recollesen a maioría de propostas autonómicas, entre elas que o aumento da fiscalidade do tabaco redunde en medidas de prevención. Tamén abriu a porta a que a autorregulación dos espazos sen fume poida debaterse no desenvolvemento lexislativo.
"É un día importante para a loita contra o tabaco e as comunidades do PP estamos satisfeitas con que o plan recolla todo o que recolle", subliñou Comesaña.
