Galicia crea o Código Trauma Grave: unha resposta rápida para salvar vidas nas urxencias
Sanidade presenta o protocolo de resposta rápida na atención urxente de traumatismos graves, que busca mellorar a atención asistencial nas urxencias sanitarias
Aplicarase a partir de mediados de xullo e beneficiará a tres mil doentes o ano, aumentando a supervivencia e reducindo as secuelas
O Servizo Galego de Saúde aplicará a partir de xullo un novo protocolo para rebaixar a mortalidade por traumatismo grave nas urxencias.
O obxectivo é axilizar a atención para aumentar a supervivencia e diminuír as secuelas nos doentes.
É o sexto código implantado en Galicia para patoloxías en que a supervivencia depende directamente da rapidez na asistencia, o primeiro que inclúe o doente pediátrico.
O conselleiro de Sanidade, Antonio Gómez Caamaño, presentou o documento coas pautas para unha rápida identificación das lesións nas que a resposta durante a primeira hora é crucial.
O obxectivo é coordinar os especialistas e recursos para unha asistencia máis eficaz.
Tres mil persoas sofren cada ano en Galicia traumatismos graves, sendo unha causa frecuente de morte entre os menores de corenta e cinco anos.
.png)
