Publicador de contidos

Publicador de contidos

Sanidade notifica os dous primeiros falecementos por hepatite infantil de orixe descoñecida

Sanidade notifica os dous primeiros falecementos por hepatite infantil de orixe descoñecida

Os falecidos son un neno de 6 anos e un meniño de 15 meses

G24.gal 04/08/2022 19:28

O Ministerio de Sanidade notificou este xoves o falecemento dun neno de 6 anos e un meniño de 15 meses a causa da hepatite de orixe descoñecida. As mortes producíronse por non poder superar o transplante de fígado.

O informe que publica Sanidade recolle que hai 46 casos detectados en España, dos que se tiveron que realizar tres transplantes de fígado.

Os pacientes que recibiron o transplante son unha nena de 3 anos en Aragón, que evoluciona favorablemente, un neno de 6 anos de Murcia e un bebé de 15 meses en Andalucía.

O rapaz de seis anos empezou con síntomas o pasado 2 de xullo e, dúas semanas máis tarde foi ingresado en estado grave cun edema cerebral. O transplante realizouse o 29 de xullo e faleceu 24 horas máis tarde.

O bebé de 15 meses ingresou a finais de xuño con gastroenterite aguda e cultivo positivo para Adenovirus en situación crítica, con enfelopatía e coagulopatía grave. No seu caso practicóuselle un transplante urxente e faleceu tamén pasadas 24 horas.

Dos casos reportados en España, con idades comprendidas entre os 0 e os 15 anos, un 60 % das pacientes son nenas.

Os casos detectáronse en 10 comunidades autónomas sen relación epidemiolóxica entre eles. En Galicia detectáronse cinco casos.

A idade media dos casos en investigación é de 5,3 anos. A sintomatoloxía frecuente son malestar, vómitos, febre e dor abdominal.

Publicidade
Publicidade
Publicidade
Publicidade
Pódeche interesar