Rueda afirma que Sánchez se compromete a enviar a Galicia “todos os medios posibles"
Nunha conversa telefónica, o presidente do Goberno díxolle ao seu homólogo da Xunta que Interior se porá en conta para que a axuda se faga efectiva
A Xunta pedíralle por carta ao Goberno que lle envíe "calquera medio que estea dispoñible"
O presidente da Xunta visita do CECOP de Ourense
O presidente da Xunta, Alfonso Rueda, explicou en X que falou co presidente do Goberno, Pedro Sánchez, sobre os incendios que afectan a Galicia.
Rueda asegurou que reclamou máis medios e que Sánchez se comprometeu a envialos.
“O presidente Sánchez acaba de chamar para interesarse polos incendios. Reiterei a necesidade de contar con todos os medios posibles e comprometeuse a que o ministro do Interior contactará coa Xunta para facelo efectivo”, escribiu Rueda.
Acaba de chamarme o presidente Sánchez para interesarse polos lumes. Reitereille a necesidade de contar con todos os medios posibles e comprometeuse a que o ministro do Interior contactará coa Xunta para facelo efectivo. Agradezo a chamada e agardo que se materialice canto antes
— Alfonso Rueda (@AlfonsoRuedaGal) August 15, 2025
Pola mañá, Rueda anunciara que pediría por carta ao Executivo estatal “calquera medio dispoñible” para reforzar a loita contra os incendios en Galicia.
Situación en Ourense A provincia de Ourense continúa en nivel 2 de emerxencia pola evolución dos incendios forestais.
