Sánchez promete ás multinacionais "estabilidade e certeza" para investir en España

O presidente do Goberno, Pedro Sánchez, agradeceu a aposta das multinacionais por España. Na clausura do congreso polo décimo aniversario da organización que as agrupa, defendeu que o seu Executivo busca dar certeza e previsibilidade aos que elixen o país para investir, e amosouse optimista ante as perspectivas de futuro. 

"Pese aos agoireiros da catástrofe, todas as previsións son favorables para o noso país. España conta co talento, as empresas, as institucións, as infraestruturas, os valores cívicos e o prestixio internacional necesarios para ser un dos países máis prósperos do mundo", asegurou o presidente do Goberno.