Samos recupera a Horta da Botica
Trátase dun espazo fronte ao mosteiro no que se cultivan plantas medicinais
O Concello de Samos, a través do labor dun obradoiro de emprego, acaba de recuperar a antiga horta da que se abastecía a botica e mais o médico da zona, un espazo que durante séculos estaba destinado ás plantas medicinais e que despois de que o Concello llelo comprara aos seus donos no 1992 pasou a ter outros usos, como o de campo da feira.
Trátase dun pequeno horto situado practicamente ás beiras do río Oribio, e a súa rehabilitación embelece dálle moito sentido ao conxunto arquitectónico, xa que está mesmo ao carón da antiga botica, un edificio que hoxe ofrece servizo de aloxamento.
O propio mosteiro mantén nas súas dependencias unha antiga botica que se pode visitar.
En total plantáronse unha vintena de plantas diferentes, entre as que hai poexo, xarxa, lantana, alecrín, sangueso e ruda.
