Rescatados os once mariñeiros dun pesqueiro que quedou á valga preto da Coruña
A tripulación abandonou o barco nunha balsa tras sufrir unha vía de auga
Salvamento Marítimo rescatou sobre as catro da mañá os once tripulantes do pesqueiro Ray Primeiro a dez millas da costa da Coruña. Os mariñeiros abandonaran o barco nunha balsa logo de sufriren unha vía de auga que non podían controlar.
Tras emitir un sinal de socorro porque a embarcación marchaba a pique, Salvamento Marítimo mobilizou o Helimer 402, as salvamares Betelgeuse, Altair e Shaula, ademais do buque da Garda Civil Duque de Ahumada.
Logo do rescate, a tripulación foi trasladada ao aeroporto de Alvedro en aparecen bo estado de saúde. O pesqueiro quedou á valga sen ninguén a bordo, escoltado pola salvamar Betelgeuse e o buque María de Maeztu.
O centro da Coruña de Salvamento Marítimo está coordinando as operacións necesarias para tentar achicalo primeiro e despois remolcalo ata o porto.
— SALVAMENTO MARÍTIMO (@salvamentogob) September 21, 2025
