Publicador de contidos

Publicador de contidos

Sae ileso tras caer 15 metros co seu coche desde unha ponte en Manzaneda

Sae ileso tras caer 15 metros co seu coche desde unha ponte en Manzaneda

O condutor logrou saír sen feridas do turismo polos seus propios medios e avisar do accidente

Vehículo cae desde unha ponte en Manzaneda Vehículo cae desde unha ponte en Manzaneda
G24.gal 29/04/2023 10:31 Última actualización 29/04/2023 19:00

Un home logrou saír sen feridas dun aparatoso accidente tras caer co seu coche desde uns 15 metros de altura, ao irse fóra da vía nunha ponte.

O accidente sucedeu na rúa Rozavales da localidade ourensá de Manzaneda. Aínda que o vehículo finalizou no leito dun río, o único ocupante do coche conseguiu chegar á estrada polo seu propio pé.

Alí foi atendido polos servizos sanitarios e, posteriormente, trasladado ao punto de atención continuada da Pobra de Trives, en bo estado de saúde.

O accidente produciuse minutos despois das 04:00 horas da mañá do sábado. A esa hora, o 112 Galicia recibía a chamada dun particular, que indicaba que o vehículo caera uns quince metros desde unha ponte, nunha zona de acceso difícil. Engadía que o condutor estaba fóra do coche.

Os servizos de emerxencia avisaron a Urxencias Sanitarias de Galicia-061, o GES de Castro Caldelas, a Garda Civil de Tráfico e a Agrupación de Voluntarios de Protección Civil de Manzaneda, que se desprazaron ao lugar do suceso.

Publicidade
Publicidade
Publicidade
Publicidade