A Garda Civil investiga un crime machista en Sevilla
A muller foi agredida cunha arma branca
O presunto agresor estaba no domicilio cando acudiron os axentes
A Garda Civil investiga como un caso de violencia machista o asasinato dunha muller de 45 anos no concello sevillano de Mairena del Aljarafe. Así o confirmou o subdelegado do goberno en Sevilla, Francisco Toscano.
Os axentes chegaron ao domicilio, despois de que o fillo menor da parella pedise axuda. Na vivenda atoparon a muller ferida de arma branca e os servizos sanitarios só puideron certificar a morte.
No domicilio estaba tamén a súa parella, un home duns 46 anos que presentaba feridas "presuntamente froito de autolesións que se autoinflixiría el mesmo" e que foi trasladado a un centro hospitalario sevillano onde permace baixo custodia.
As autoridades confirmaron que a muller non estaba rexistrada no sistema VioGén e que non constaban denuncias previas por violencia machista.
