Ruptura no corazón da S. D. Compostela

Prevense varios meses de moito movemento na S. D. Compostela. Hai investidores ás portas da entidade, pero hai unha reclamación do anterior presidente que pode resultar decisiva para o futuro do club.

Antonio Quinteiro reclamoulle nas últimas horas aos actuais dirixentes do Compostela un total de dous millóns oitocentos mil euros en concepto de débeda coa súa persoa a través de créditos.

Antonio Quinteiro solicita o ingreso desa cantidade no prazo de cinco días hábiles na conta. Se non é así, iniciaría accións legais e penais contra os directivos que nestes momentos xestionan a S. D. Compostela.