Rueda anima as empresas a apostar pola formación dual
A empresa hoteleira empezou con seis empregados e hoxe ten máis de 200
O presidente da Xunta anima as empresas a apostar pola formación dual para facilitar a empregabilidade dos mozos e polo rural para fixar poboación.
Alfonso Rueda fixo estas declaracións na celebración do décimo aniversario da cadea hoteleira Hotusa en Chantada. Empezaron con seis traballadores, e hoxe teñen máis de 200.
Hai unha década que o presidente do Hotusa decidiu crear unha sede da empresa na súa terra, Chantada, cun cadro de persoal de xente nova, que dende o corazón de Galicia fai labores de mercadotecnia ou xestión de reservas. Para reter talento local teñen catro proxectos de FP Dual en colaboración con varios institutos da comarca.
O presidente da Xunta agradece o compromiso das empresas co rural e coa FP Dual, que compaxina os estudos con traballo remunerado.
Neste acto o presidente do Consello Económico e Social de España deu a súa receita para conseguir a igualdade de oportunidades.
