Rubiales pactou con Piqué un 'pelotazo' de 24 millóns pola Supercopa en Arabia, segundo 'El Confidencial'

Luis Rubiales pactou con Gerard Piqué o cobro dunha comisión millonaria polo traslado da Supercopa de España a Arabia Saudita. Documentos e audios aos que tivo acceso El Confidencial revelan que o presidente da Real Federación Española de Fútbol (RFEF) meteu presión ás autoridades de Riad para que aboasen ao xogador do F. C. Barcelona ata 24 millóns de euros por disputar o torneo nese país e tratou logo de ocultar a participación do futbolista no contrato.

"Geri, parabéns. E non me refiro nin ao partidazo de onte nin ao teu gol. Refírome a que xa son máis das 12 e, polo tanto, xa é firme o acordo con Arabia Saudita. Un abrazo, grazas por todo e aquí estou para o que necesites", asegurou Rubiales a Piqué o 15 de setembro de 2019.

O comentario forma parte dos Supercopa Files, un alude de arquivos inéditos que desvelan, entre outros presuntos escándalos, que Piqué tivo un papel decisivo nas negociacións para a celebración da Supercopa en Arabia Saudita e gozou ao longo dese proceso dun trato privilexiado por parte de Rubiales por motivos non aclarados. Un portavoz de Piqué negou a este diario que recibise ese trato de favor. 

El 15 de septiembre de 2019, Rubiales envió un audio a Piqué en un tono propio de dos socios que comparten intereses económicos. "Geri, enhorabuena. Ya son más de las 12 y por lo tanto ya es firme el acuerdo con Arabia Saudí" #SupercopaFileshttps://t.co/fC8aW4G4Ge pic.twitter.com/FB2obq2qCq

— El Confidencial (@elconfidencial) April 18, 2022

O presidente da Liga, Javier Tebas, falou sobre as presuntas comisións de Piqué e de Rubiales.

"Que se pronuncien os que partciparon neses audios. Vin como reparten os ingresos, xa o Valencia se queixaba diso. Nós pensamos que non pode ser así, non me parecería ben"