Rubén Fernández, cuarto no Gran Premio de Gran Bretaña

O circuíto de Matterley Bassin acolleu o Gran Premio de Gran Bretaña de MXGP. E aí vimos unha das mellores actuacións de Rubén Fernández esta temporada, sobre todo na segunda manga. Fixo unha gran saída que lle serviu para rematar de segundo, só por detrás de Febvre, o líder do Mundial. Cheirou o éxito pero non lle deu para gañar a manga nin para subir ao podio por mor do quinto posto na primeira. O Mundial para agora ata o Gran Premio de Finlandia, o vindeiro 13 de xullo.