Unha rúa coruñesa leva seis meses cortada ao tráfico por mor dun derrubamento

Seis meses cortada ao tráfico rodado. Así leva a rúa de Santa Lucía, na Coruña, desde que o 24 de outubro do ano pasado caeu parte da fachada dun inmoble.

Unha situación que amola os veciños, pero que tamén está a prexudicar os máis dunha ducia de negocios que están na contorna.

Tres meses despois daquel desprendemento, o Concello declarou o edificio en ruínas.

Agora, como medida de presión, pensan xa en cortar o tráfico cada quince días na rúa Castiñeiras para dar visibilidade así ao problema que sofren desde hai seis meses.